Pesaka Pemerindang Event Management

PESAKA PEMERINDANG 

Manager : Maxwel Franklin Saran @ Ijau
Project Co-ordinator : Mathew Abu @ M.A
Asst. Project Co-ordinator : Jamain Ambang @Jay

Event Management, Merchandise & Gift
Service : Mobile Karaoke/emcee/disc-jokey/live band, native design sticker
**specialist in Iban song Karaoke**

Pesaka Pemerindang ngempuru raban artis enggau media

Posted on August 10, 2011, Wednesday

UJI PERATIKA: Ngelala kita bala penanyi ke bisi ayan ba gambar tu?

KOTA SAMARAHAN: Apin lama tu tadi raban Utusan Borneo ti betuaika Maling Badindang (Editor Berita Iban-Utusan Borneo) sama bisi ngelimpangka diri ngulu pengawa nutup Gawai Pesaka Pemerindang (PP) iya nya sebuah kompeni ke udah bejalaika pengawa dalam kandang setaun setengah ke nyendiaka mayuh servis ke bekaul enggau pemerindang.

ORANG KERING PP : Maxwel F. Saran (kiba) enggau Mathew Abu.

Tu mih pengawa anak bansa Iban ke sama berani besemekih dalam dunya dagang ngerandang jalai bechuanka pemerani ati dua iku sebuat, ‘Double M’, iya nya Maxwel Franklin Saran (MFS) enggau Mathew anak Abu (MA).

Lebuh ditanya MFS madahka tu keterubah iya PP ngaga pengawa ngelumu bala kaban ketebal agi bala penyukung sereta raban PP. Enda disadang, malam ngiling tikai nya chukup rami lebuh maya tepedaka penanyi sereta selebriti Dayak bukai sama bisi dipeda datai. Ukai tak semina berami makai aja, tang sida mega bisi belagu ngeradakka nyawa merindang bala mayuh ke bisi datai nyadi pengabang.

Ujan mesik-mesik ba malam ngiling tikai ukai nyadika penanggul ba kira 100 iku pengabang ke datai malam nya. Pengawa diatur berengkah ari pukul 7 lemai, bepalan ba Merdang Garden, Kota Samarahan.

Malam nya gaga ati meda kaul ke chukup manah ari semua kaban penanyi, komposer, pengerembai berita, raban orang dagang sereta bala bukai. Semua sama duduk betunga, ranchak berandau taja pan baru keterubah iya bekelala.

Nya mih peluang meda sereta begulai enggau penanyi baka Jenarino Jeraki (JJ), Timothy, Alon Lupeng, Rommey B2B, Gordon John, Maxwel F. Saran kelimpah bala komposer baka Isa Lee, Oliver Christy sereta Gibson. Malam nya mega bepeluang ngempuru bala forumers ari portal komuniti Iban tebilang, radiokitai.com, rumahpanjai.com sereta ruaikitai.com sereta bala penyampai radio ari Cats FM enggau Wai FM.

Ngelansa mimit ba pengawa PP, ke alai sida bisi nyendiaka mayuh bengkah servis ke nyengkaum nyuwa mobile-karaoke (AV/karaoke sistem), Emcee, Band Boy tauka disk-jockey. Semua bayar bepanggai ba servis ke diguna sereta bisi pakej nitihka ungkup belanja mensia mayuh.

Dikena ngelempungka agi tanggung pengawa dia MFS enggau MA selubang sepenemu ngambi siku agi kaban ke nyadi Penulung Projek Koordinator, iya nya unggal Jamain Ambang. Semua sida tu udah bisi batang pengawa ke tetap. PP ditumbuhka ketegal pengerindu ba dunya pemerindang.

UB nerima penerang ari unggal MA ke nyadi Projek Koordinator PP, madahka sida deka ngeluarka baju-T, ungkup raban penyukung PP tauka mensia mayuh. Chura sereta design baju-T tu ila deka digaga bechuanka identiti Iban sereta mantaika jaku Iban.

Kelimpah ari nya, PP bisi nyual sticker kerita ke ngayanka nama ‘Pesaka Pemerindang’ tau dibeli sereta dipesan nengah chara emel ba www.facebook.com/kami-nyukung-pesaka-pemerindang. Meri pengaga ati ngagai PP sereta sida seraban. Ngarapka terus mansang! 

 (sumber ari Utusan Borneo, 10/08/2011 )

Nyadi ke pengingat....bala krew begulai enggau JKKK Kpg Entingan, Kota Samarahan

 Projek keterubah Pesaka Pemerindang...Konsert Pesaka Pemerindang di Kpg Entingan Kota Samarahan kena ka 30hb Julai 2011.....

Maya sound check....well done team..

 Sekeda ari bala mayuh ke bisi datai berperindang malam nyak......mmm.... Jembun pan bisi ayan diak...u...u...

Bala artis terbilang Iban enggau artis baru ke merindang bala mayuh ti bisi datai...

Maxwell FS, Gordon John, Alon Lupeng, Joyce Menti, Rommey B2B & Jembun Mulan Sriban

Berita Begambar KONSERT PESAKA PEMERINDANG di Kpg Entingan, Kota Samarahan kenaka 31. Julai. 2011 tu tadi (Utusan Borneo 15.Ogos.2011- Berita Iban m/s 11)

 Design Baju Pesaka Pemerindang....KABAN...udah bisi dijual diatu....Rega RM 25 siti

 Tu meh bala kami...bala krew Pesaka Pemerindang

Jay Amin, Alfred Dona, George & Mathew Abu

Bergambar pengingat ba feri Batang Sadong lebuh maya merambu ke kunsit Ke - 2 Pesaka Pemerindang ba Kpg Empelas, Simunjan.

 Pre - discussion......

Palan kunsit tu ila....Kpg Empelas, Simunjan

 Bala krew sama bela berunding dini alai stage enggau bala JKKK Kpg Empelas

Pemutus randau enggau bala JKKK...kunsit di Pesaka Pemerindang deka di atur kena ka 03hb September 2011 

Kunsit Pesaka Pemerindang deka di atur kena ka 03hb September 2011...Berperindang begulai enggau penanyi terbilang Iban....Maxwell FS, Gordon John, Rommey B2B, Alon Lupeng, Jembun Mulan Sriban serta penanyi baru ari Syarikat Golden Pearl ianya Tony...kitak mega berpeluang bertemu enggau DJ - DJ sensasi ari Catsfm enggau Waifm....penerang ti silik tau betanya agai Mathew Abu ( 019 - 8789930 )  tauka  Jamain Ambang ( 019 - 8368145)

“Keling Aji, pemaioh bini banyak rambang; Kiai Anyai, penyambut sakai pemanggai lintang; Keling Aji berani ati, tau serang; Gerasi nading, bujang berani kempang”